weather-image
10°
Erinnerungen an den Hungerwinter 1947 / Folge 5 - diesmal auf Plattdeutsch!

"Sind uise Luie och noch olle an'n Leben?"

Rinteln (ur). Um die Zeit der ersten Jahre nach dem Krieg mit ihren widersprüchlichen Gefühlen und Erwartungen in Erinnerung zu bringen, veröffentlichen wir in Folge 5 der Erinnerungen unserer Leser an den "Hungerwinter 1947" heute einen gereimten Beitrag von Heinrich Wallenstein aus Krankenhagen, der bereits 1948 "op Platt" verfasst wurde und auch heute noch zu denken geben kann:

veröffentlicht am 16.03.2007 um 00:00 Uhr

Woi keum'n iuter Jefangenschaft noan poar Joahrn Massenhaft. Wat werdöt in'n Hiuse jeb'n, sind iuse Luie noch olle an'n leb'n? Dä meisten möst'n wecke bekloaren in dan schrecklijen Joaren. Öwer woi wörn in'n Hiuse oft sacht bedroiwet doar iut. Doch woi upp'n Lanne wörn'ner jeot anne. In dän Stään wast schlimmer, bleos Elend un Trümmer, un doarteo seoveel Näot, äok ümmet täglije Bräot. Dä Kroich was valoarn noa bäole sess Joahrn. Was ümmesüss olles wäsen? Vandoare kann man't seo läsen. An bedroiwetsten anne wörn'ner dä Friuen, seu dröften dä Abaat nich schiuen. Ühr Kerls un Söhne halnse valoarn, seu wörn fall'n öder in Russland vafroarn. Veele Soldoat'n noch in Jefangenschaft, noien Kummer un Tränen jafft. Dat Äten worchte knappe, wanig Bräot in'n Schappe. Der kamm dä Landwirtschaft gräot in Schwung, weil öt jümmer eus ümmet Äten jung. Jede Ecke Land worchte nutzet, watt'er uppe wosse, worchte vaputzet. Dä Knickbrink, vandoare met Baam'n bewossen, worchte beackert, van Hand un met Zossen. Katuffel, Rorren un Hoawern un för dä Zeejens met Kloawern. Däomols jullt: Hacken, planten un groab'n, wanig sitten inner Stoam'n. Mess uploan, straan unploijen, feste anfoat'n un inne Henne spijen. Schwoine feowern, Zeejens melken fört Dasken äok da Saile drellken, Käowern mahn un Groins hoaln äok upper Bank sick moal erhoaln. Schluck wall brenn'n un Beokeckern soikenÖlje jafft ja nich teo koipen. Schöäpe häöln un Wulle spinn'n, wer Zellwulle ha, dä konn jewinn'n. Dä Spinnräer, dä noch in'n Ecken stönn'n jeot för da, de spinn'n könn'n. Jespunnenene Wulle dä was wat wart, äok Kerls het dat Spinn'n der nochlert. Öt gaff nix anteoteun, dat äole mareode, süml jestrickte Kleier keum in Meode. Färberroien wörn dat jräote Jeschäft, olles worchte färbet, ollhante niche cht. Wehrmachttuich, Wulle un Linn'n, teo färben was jümmer ner wat teo finn'n. Zipollnschoal un Wallnotschoaln moste man teon färb'n teohäope hoaln. Äok dä Schnoederswörn'er jeot anne, denn olles worchte wend in iusen Lanne. Äole Anzüje wörchten wiar mie noit, Hauptsache man kammöwer dä toit. Bezugschoine gaff öt för olles un jedes, doch oft wast olle, un öt jüngs jümmer per pedes. Dat Schlagweoert der Toit, heute "organisiern". Dä Luie keum up dä dollsten Fliern. Dä Stadt luie foiern upt Land, irjendwat teo tiusken hanse jümmer inner Hand. För iuse Reichsmark gaff keiner mähr wat. Bleos wer tiusken konn, dä krech äok wat. Liebe Frau, hamse nich'n bisken Fett? Seo froaren dä Püttluie un wörn recht nett. Pöttkerjeschir, Kohlen, Saissen un Meste, seu keum iut'n Ruhrjebiet un kungeln feste. Schwacht schlachtet worchte jümmer'n beeten, öwer bleos in'n jeheum'n, öt droffte keiner weeten. Denn strenge Stroafen gafft doarför und oar drücke sick jeder jerne vörher. Kaputtet wiar upteobiuen, dor moste man för schiuen. Biumaterjoal, wat man her jern moste man feste met Fettigkeiten schmern. Endlich, achtunverzig gafföt noiet Jeld. Jeder dachte ob dat wall höllt. Öt gaff niu dä "Duitske Mark". Woi merken bäole, seu was stark; denn öt diuer kium'n verchel Joahr, un up moal was olles wiar doar. Hamstert was worn un dat nich knappe, bäole hal-n dä Luie wiar olles in'n Schappe. Man sach, dat öt langsoam voran jung, dä Wirtschaft, dat Biuen kamm wiar in Schwung. Dat euste noie Tuich, wat het man sick fraat, seo esöt, wenn lange nix gaaht. Noie Scheoh öder schönet Porzeloan, dä Luie wörn fräoh, man konnet vastoahn. Bäole was öt denn seo woit, öt kamm dä Wirschaftswunder-Toit. Bleos dä eusten tahn Joahr, dä wörn wirklich schwoar!



Copyright © Deister- und Weserzeitung 2018
Texte und Fotos von dewezet.de sind urheberrechtlich geschützt.
Weiterverwendung nur mit Genehmigung der Chefredaktion.


Weiterführende Artikel
    Anzeige
    Kommentare

    Kontakt

    Redaktion
    E-Mail: redaktion@dewezet.de
    Telefon: 05151 - 200 420/432
    Anzeigen
    Anzeigen (Online): Online-Service-Center
    Anzeigen (Telefonisch): 05151 / 200 - 666
    Abo-Service
    Abo-Service (Online): Online-Service-Center
    Abo-Service (Telefonisch): 05151 / 200 777

    Keine Zeitung bekommen? Hier zur Zustell-Reklamation.
    X
    Kontakt